Il cumponist Gion Antoni Derungs, naschì 1935 enta Vella, pudess festivar ils 6 da settember ses 85avel anniversari. L'Artg musical sa regorda dad el cun emetter ovras interpretadas da giuvenils. Dal 1962 fin 1995 ha Gion Antoni Derungs instruì al Seminari da magisters a Cuira e là ha el era accumpagnà cun pled e cussegl il Chor rumantsch da la scola chantunala.
Da quest chor udin nus diversas chanzuns dirigidas da Giusep G. Decurtins, Jovita Vallier, Claudio Steier, Francestg Friberg e per part accumpagnadas al clavazin dad Astrid Maissen – registraziuns dals 1975/1981/1983/1984. Lura dattan Flurin Caduff, il Chor d'affons Surselva e la Filarmonia da chombra dal Grischun ina scena da l'opera Il cerchel magic (Glimaia neu ora cun tia corna) – ina registraziun fatga da RTR ils 11-11-2012 en il Teater Cuira e quai sut la direcziun da Rilana Cadruvi e Clau Scherrer. Per finir dattan ils chors d'affons Trun e Mustér chanzuns da Gion Antoni Derungs.
Ils titels en l'emissiun
Titel | Interpret | Cumponist |
---|---|---|
Tuccau | Chor rom. Scola cantunala Cuera | Gion Antoni Derungs/Gion Cadieli |
Tschiel e tiara | Chor rom. Scola cantunala Cuera | Gion Antoni Derungs/Gian Fontana |
Kantate o. 44 | Auswahlchor Lehrerseminar Chur | Gion Antoni Derungs/Erich Kästner |
L'uolp, op. 7 | Chor rom. Scola cantunala Cuera | Gion Antoni Derungs/Gion Deplazes |
Glimaia neu ora cun tia c. | Chor d'affon/F. Caduff/Orch. Chur | Gion Antoni Derungs/Lothar Deplazes |
Ina tschitta blaua | Chor rom. Scola cantunala Cuera | Gion Antoni Derungs/Donat Cadruvi |
Sil Crest la Fuortga | Chor rom. Scola cantunala Cuera | Gion Antoni Derungs/Pieder Simeon |
Speronza | Chor rom. Scola cantunala Cuera | Gion Antoni Derungs/Pieder Simeon |
Tgi sa predir? | Chor rom. Scola cantunala Cuera | Gion Antoni Derungs/Pieder Simeon |
Il progress | Chor rom. Scola cantunala Cuera | Gion Antoni Derungs/Pieder Simeon |
Danunder | Chor d'affons Trun | Gion Antoni Derungs/Gian Fontana |
Nus essan il futur | Chor d'affons Muster | Gion Antoni Derungs/Victor Durschei |
III. Buna saira mattans | Radio-Sinfonie-Orchester Basel | Gion Antoni Derungs |
IV. Chantar, chantessa | Radio-Sinfonie-Orchester Basel | Gion Antoni Derungs |