A chaschun dal 2. Festival da la chanzun rumantscha datti divers concerts da chors, quels emetta RTR en l'Artg musical (part I) sco era en l'emissiun Noss chors (part II).
Il Cor masdo Zuoz, il Cor da seniorAs Engiadina, il Cor masdo da Puntraschigna, Ils Grischs (quartet dubel viril da la Val Müstair), il Cor masdà Valsot, La Cumbricula ed il Cantus Firmus preschentan ina schelta varianta da chanzuns rumantschas ed er en autras linguas.
Vitiers datti era singulas chanzuns da l'ensemble vocal Lamaraviglia che chanta en spezial psalms dal cumponist ollandais Jan Pieterszoon Sweelink, psalms ch'il chor baselgia da Zuoz ha già chantà l'entschatta dal 18avel tschientaner. Il Telesguard ha rapportà dal stgazi che sa chatta en l'archiv a Zuoz. Il 2021 ha l'ensemble vocal edì in portatun cun blers da quests psalms en las linguas naziunalas svizras. L'Artg musical ha preschentà quest disc l'entschatta november 2021. A Zuoz ha l'ensemble preschentà ils psalms rumantschs en la baselgia San Luzi.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
En noss archiv da musica èn da chattar nundumbraivlas registraziuns da chors - en spezial chors rumantschs e grischuns.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
