Siglir tar il cuntegn
Inhalt

Actualitad musica «The Trail» cun concerts alpins sin pista

Il trio acustic «The Trail» va cun skis en las alps grischunas – e concertescha cun hits dals ultims decennis.

purtret
Legenda: Da san.: Freddy Scherrer («Gotthard»), Sergio Guetg (moderatur RR), Roy Wilders («Southern Comfort») e Stämpf («QL»). RTR

Freddy Scherrer, gittarist da la band da hardrock tessinaisa «Gotthard» è gia onns a la lunga sin las pistas da skis grischunas cun Stämpf, il chantadur da la band da funk-punk biennaisa «QL». Pertge betg cumbinar quella passiun e concertar en differents locals en las muntognas? Da la partida è er il chantadur da la Irlanda Roy Wilders enconschent ils onns 90 cun «Southern Comfort» – che abitescha uss en l’Australia.

La finamira dal trio acustic è da concertar cun quella musica ch'als ha influenzà ils ultims onns. Concret è quai ils pli gronds hits dals ultims 40 onns – da «Bruce Springsteen» fin «James Bay», da «The Pogues» fin «Santana».

La turnea dura dal december fin l'entschatta matg 2018.

RR famus e glorius 10:30

Concerts en il GR

  • 30-12-2017 «Sunnabar», Tschappina (mo da bell'aura)
  • 30-12-2017 «Palazzo Bowling», Cuira
  • 31-12-2017 «Garage Stätz», Lai