Normalmain vegnan organisadas mintg’onn pliras festas da chant e da musica. L’emprima festa da chant chantunala è per exempel vegnida organisada gia il 1867 a Glion. Per il vitg e la regiun è quai adina in grond eveniment cun blera glieud, blera musica e festa gronda. Ina festa da chant dals ultims onns da la quala ch’i vegn anc oz adina puspè raquintà è la festa federala a Meiringen il 2015. En vista a quella han ils Cuntrasts tematisà il chant viril:
In’ulteriura festa federala, quella giada ina da musica ha gì lieu il 2001 a Friburg. Tranter auter cun la societad da musica da Sagogn e cun la musica da Glion che han da quel temp cun 178 puncts cuntanschì in resultat extraordinari:
La preparaziun per ina festa da musica n’è era il 1995 betg stada uschè differenta. Da quai han ils Cuntrasts rapportà en vista a la festa districtuala en il Puschlav:
Essas vus forsa stads il 1994 a la festa districtuala da chant a Sagogn? Avais anc avant egls co quai è stà da lez temp? Insaquantas impressiuns han ils Cuntrasts dals 5 da zercladur 1994 rimnà:
Ils 21 da zercladur 1980 ha per l’emprima giada ina festa chantunala da chant gì lieu en Surselva e quai a Mustér. Era da quel temp datti anc in video:
Anc dapli videos, per exempel da la festa chantunala da musica 2013 a Cuira ubain las producziuns da pag da la festa da chant «Falera Conta» chattais sin noss chanal da Youtube:
