Sco Nic Gyalson ha el lura cumenzà a far musica ed ha finalmain publitgà il 2017 ses emprim album «Alluvision». Sia musica va en direcziun rock alternativ psichedelic. E gronda paisa dat Mariani – franc entras sias ragischs tar il film – a ses videoclips. Quels èn vairas ovras, i cunvegn da dar in cuc!
Quest mais cumpara il segund album «You could Almost», e la chanzun che dat il titel daventa «Mx3 – tuts per in» da quest october. Pia buns temps per Nic Gyalson – ed atgnamain pon ins insumma dir ch’il 2019 saja in bun onn per il giuven tessinais. Questa stad ha el numnadamain perfin pudì sa preschentar sin il grond palc dal «Moon and Stars» a Locarno.
Preschentaziun tar 8x15
Avant 2 onns è Nic Gyalson stà in dals acts da l’emprima ediziun 8x15 da RTR. Qua ses concert: