Aux-Rango è in duo giuven dal Tessin. Chiara Ceres e Federico Sicilia han fundà lur duo pir il settember 2019. Els èn influenzà da la musica da Soul ed R&B e preschentan musica en in vestgì electronic cun synthesizers, samples e drum machine. Ord quai nascha musica moderna da pop cun insaquants elements classics. Quest onn han els cun «Redlight» publitgà lur emprima single. Cun quella single han els persvadì las redacziuns da musica da SRF, RSI, RTS ed RTR ed èn uss la selecziun dal zercladur. Uss na mettan els dentant betg ils mauns en crusch mabain han nizzegià la quarantina creativamain ed han scrit la proxima chanzun che cumpara la fin da zercladur.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch,