Siglir tar il cuntegn

Header

audio
«Sunna» – Nova single da la gruppa grischuna «Head Smashed».
laschar ir. Durada: 06:43 minutas.
cuntegn

Head Smashed Chanzun da stad dals punks grischuns

«Nus remplazzain il studio da fitness cun rock» – Quai è la devisa da la pop-punk gruppa «Head Smashed». Cun lur nova single «Sunna» hani uss para remplazzà il rock cun reggaeton.

L’onn 2011 han ils trais giuvens Roman, Moritz e Patrick fundà la gruppa «Head Smashed». Dapi lu han els publitgà dus albums – l’ultim il 2018. Enfin oz han els atgnamain sunà en il stil pop-punk sumegliant a bands americanas sco The Offspring, Green Day ni Sum 41. Cun lur nova single «Sunna» fan els dentant in pass el gener da stad reggaeton.

Quai na munta dentant betg ch’els s’allontaneschan da lur gener preferì.

Pia èsi en il futur puspè da quintar cun nova musica da punk dal Grischun. Dal reminent experimenteschan «Head Smashed» gugent cun differents geners. Uschia han ins sin lur album «President Nathaniel» era chattà chanzuns acusticas ed autras ch’èn i en direcziun metal. Forsa lavuran els gie uss era vid ina maschaida da punk e reggaeton.

Artitgels legids il pli savens

Scrollar a sanestra Scrollar a dretga