Siglir tar il cuntegn

Header

audio
Nagina Stubete am See
Or da Famus e glorius dals 15.10.2020.
laschar ir. Durada: 02:48 minutas.
cuntegn

Eveniments annullads Nagina Stubete am See e nagin inscunter da chapellas

Dus eveniments impurtants han stuì vegnir annullads.

In dals inscunters impurtants da la musica populara fiss stada la «Stubete am See» da la fin d'emna a Segl. Pervi da la situaziun da corona difficila en Engiadin'Ota han ils organisaturs però stuì midar ils plans e spustar l'eveniment sin l'onn proxim. Donn per la gronda lavur dals organisaturs ed er per las chapellas, che ston puspè desister da sa preschentar sin il palc.

Tge fiss stà sin il program

La Stubete am See aveva envidà chapellas da vaglia sco Rampass, la chapella Erni, Engadiner Ländlerfründa, Pflanzplätz, Appenzeller Echo, Janett juhee, Schägyschigg ubain Ambäck. Ils organisaturs avevan preparà in program cun 26 concerts, e tut ils bigliets eran vendids.

Er l'inscunter da chapellas è pir il 2022

Impressiuns da l'inscunter da chapellas 2019
Legenda: Impressiuns da l'inscunter da chapellas 2019 RTR / Jachen Prevost

Er in auter eveniment impurtant da la musica populara han ins annullà. Ils 9 da schaner 2021 fiss stà il 57avel inscunter da chapellas a Landquart, in eveniment cun var 20 furmaziuns grischunas e da tut la Svizra – e cun 1'000 aspectaturas ed aspectaturs. Er quel è vegni spustà pervi da la situaziun da corona, quai ha communitgà il VSV Grischun, l’uniun da musica populara. Uschia vegni a dar pir il 2022 il proxim inscunter da chapellas, sche tut va bain.

RTR actualitad 10:00

Artitgels legids il pli savens

Scrollar a sanestra Scrollar a dretga