Siglir tar il cuntegn

Header

audio
Springsteen - Letter to you
Or da Famus e glorius dals 23.10.2020.
laschar ir. Durada: 05:20 minutas.
cuntegn

Bruce Springsteen Letter to you

Il 20avel disc dal boss.

Oz cumpara «Letter To You» da Bruce Springsteen, ses 20avel disc da studio. Dapi il 2014 è quai puspè in disc ch’el ha realisà cun sia E Street Band ch’el aveva fundà il 1974 e che ha accumpagnà Springsteen durant blers onns, en il studio e sin il palc.

La E Street Band
Legenda: La E Street Band Keystone

L’emprim grond success da Springsteen, naschì ils 23 da settember 1949 a New Jersey, è stà ses terz disc «Born to run», cumparì il 1975. A partir dals onns 80 daventa el in star mundial cun albums impurtants sco «The River», «Born in the U.S.A.», «Human Touch» ubain «The Rising» ch’el venda sur 130 milliuns giadas. Sias chanzuns tematiseschan savens il mintgadi da la glieud simpla en ils Stadis Unids e ses rock plain energia tschiffa il public, surtut durant ses concerts che duran savens 3 uras.

Il disc nov «Letter To You»

Quel ha el registrà cun la E Street band durant be 4 dis, il november da l’onn passà en ses agen studio 2019 a Colts Neck, New Jersey.

E sper chanzuns che regordan a pli baud datti er quellas pli calmas e pensivas che tractan vita e mort, però er il gust da far musica.

Ed el raquinta l’istorgia dad ina ghitarra acustica ch’el ha survegnì dad in fan durant in concert. Quella ha da nov gust da cumponer e l’ha accumpognà savens durant la lavur.

Bruce Springsteen davart las lavurs da registraziun per «Letter To You»

Quest è l’unic album cun tut la band che suna il medem mument, ed er il chant e tut auter è sta cumplettamain live.
Autur: Bruce Springsteen

Ils tocs dal disc nov

Textbox aufklappenTextbox zuklappen
Ils tocs dal disc nov

Ils tocs dal disc

«One Minute You’re Here» – 2:57

«Letter to You» – 4:55

«Burnin’ Train» – 4:03

«Janey Needs a Shooter»– 6:49

«Last Man Standing» – 4:05

«The Power of Prayer» – 3:36

«House of a Thousand Guitars» – 4:30

«Rainmaker» – 4:56

«If I Was the Priest» – 6:50

«Ghosts» – 5:54

«Song for Orphans» – 6:13

«I’ll See You in My Dreams» – 3:29

Suenter la preschentaziun dal disc era planisada ina turnea pli gronda, però pervi da la pandemia da corona è quella vegnida spustada sin il 2022.

RTR Musica 10:30

Artitgels legids il pli savens

Scrollar a sanestra Scrollar a dretga