Cumparegliaziun dals maletgs
Legenda:Bruce Springsteen 1988 e 2012.Bruce Springsteen n'è strusch sa midà el decurs dals onns. Reuters
1973 ha Bruce Springsteen publitgà sia emprima single «Blinded by the Light». Dapi lu ha il musicist american che na para betg da daventar pli vegls publitgà 70 singles, 19 albums da studio e 23 discs live e diversas cumpilaziuns. La stad passada ha el publitgà ses ultim album «Western Stars».
audio
Dominic Pohle cun fatgs davart Bruce Springsteen
ord Actualitad dals 20.09.2019.
laschar ir. Durada: 2 minutas 6 Secundas.7 fatgs davart Bruce Springsteen
- L'emprima chanzun ch'el ha emprendì a sunar e chantar era ina dals Beatles: «Twist and Shout».
- La famiglia da Springsteen era dachasa a Freehold, New Jersey. Lur chasa era en vischinanza d'ina fabrica da tschigulatta da Nestlé. Perquai era il gust da tschigulatta adina preschent.
- Springsteen ha oz 70 e ses 7avel disc da studio «Born in the USA» è stà ses pli grond success. In disc monumental che cuntegn sett singles ch'èn stadas en las top diesch da la parada da hits americana.
- Il 1976, suenter in concert a Memphis, Tennessee era Springsteen in pau sturn ed ha decis da rumper en tar Elvis. A las trais la damaun arriva el a Graceland, passa tras la porta principala e vegn fermà da la security.
- Springsteen è in fotograf talentà. Tenor in ami e fotograf professiunal ha Springsteen in zunt grond talent sco fotograf. Il pli gugent fa el fotografias da tavlas da reclama in pau spezialas a New Jersey ed er da signals sper locals da mangiar – ils «Diners».
- Cun ses musicists anteriurs da sia emprima gruppa la E Street Band è Springsteen stà generus. Cura che quella è sa schliada il 1989 ha el paja a mintga commember la summa da dus milliuns dollars.
- Il musicist american era fitg critic e controllava bain la publicaziun da sias chanzuns. Per reclamas commerzialas na deva el nagin permiss. Però cura che ses disc «Born in the USA» è cumparì il 1984 era el da vesair sin la cuverta cun jeans da la marca Levis. E quai – voluntari u betg – è stà reclama extraordinaria per la fatschenta ed ha lascha crescher la vendita fermamain.