Durant il temp da Corona sa mida tut, er per chapellas, bands, musicistas e furmaziuns da musica. Empè da sa scuntrar, far provas e concerts vegni fatg musica a chasa. Er ina da las furmaziuns da brass las pli enconuschentas, la «Brass Band Berner Oberland», è en questa situaziun – ed ha gì ina idea. Perquai che SRF 3 preschenta mintga dumengia a las 10:45 la chanzun «Für immer uf di» da Patent Ochsner, ha er ella realisà sia contribuziun per superar quests temps difficils.
«Für immer uf di» en la versiun da brass
Per realisar il project ha il dirigent Corsin Tuor arranschà la chanzun per ina furmaziun da brass, sias musicantas e musicants han registrà lur part a chasa e be in’emna pli tard han els publitgà il video.
Bleras reacziuns
Dapi la fin da mars è il video en la rait ed ha survegnì gronda attenziun e millis da clics, di Corsin Tuor, il dirigent da la BBO.
