Siglir tar il cuntegn

Header

video
Alexi e Marcus e lur nov disc L'Alva
Or da RTR dals 14.05.2020.
laschar ir. Durada: 3 minutas 48 Secundas.
cuntegn

Alexi e Marcus «L’ALVA», return tar lur ragischs e blers tuns novs

Il 5avel album cun 15 chanzuns

Dapi ils onns 80 persequiteschan els lur via communabla, in lung temp per in duo che fa musica, quai collia er:

audio
40 onns ensemen
ord Musica dals 18.05.2020.
laschar ir. Durada: 25 Secundas.
audio
amicizia
ord Musica dals 18.05.2020.
laschar ir. Durada: 21 Secundas.

Dapi il 1984 han els fatg be 5 discs, cun premura e passiun. Lur 5avla producziun – 12 onns suenter «Salischina» – cuntegn surtut chanzuns ch’els han cumponì ensemen, e cun texts da poets sursilvans sco Gian Fontana, Toni Halter, Alfons Tuor e Giacun Hasper Muoth. In pèr chanzuns èn da cumponists enconuschents sco Eduard Lombriser e Benedetg Dolf, chanzuns ch’els han arranschà danovamain.

audio
Alexi e Marcus – L'ALVA
ord Artg musical dals 24.05.2020. Maletg: MAD, Alexi e Marcus
laschar ir. Durada: 57 minutas 39 Secundas.

Chant e ghitarra – e tuns novs

Tar diversas da lur chanzuns turnan els tar lur ragischs e tar ils cumenzaments: be lur dus vuschs e la ghitarra acustica. Autras cuntegnan elements dal tuttafatg novs, tuns da trumbetta e violina.

audio
la musica da mida
ord Musica dals 18.05.2020.
laschar ir. Durada: 37 Secundas.

Collavuraziun cun bleras musicistas e musicists

L’ALVA è il resultat dad ina collavuraziun dad Alexi e Marcus cun ina lingiada d'artistas ed artists. Da la partida en ils studios Powerplay a Maur èn stads: Astrid Alexandre, Angela Nay, Selina Derungs, Andi Schnoz, Lucas Schwarz, Clau Maissen, Christian Barenius, Rees Coray, Conradin Klaiss, Remo Derungs ed er Domenic, Cristina e Curdin Janett.

audio
14 musicistas
ord Musica dals 18.05.2020.
laschar ir. Durada: 14 Secundas.
audio
collavuraziun
ord Musica dals 18.05.2020.
laschar ir. Durada: 21 Secundas.

Atmosfera mistica e magica

Sin la cuverta ed en il cudeschet dal disc èn da vesair fotografias da Verner Solèr. Cuntradas alpinas en la tschajera e lieus misterius che illustreschan bain la tempra da las chanzuns che portan titels sco: Mes antenats, Il cavagl alv, L'uolp, Ei ha neviu, La cara e La steila.

in disc nov
Legenda: L'Alva il disc nov da Alexi e Marcus RTR

La 5avla producziun dad Alexi e Marcus cumpara sco disc cumpact, però i dat er ina ediziun limitada da 100 plattas da vinil, sco tar lur emprims portatuns INA CANZUN dal 1984 ed IN CLOM dal 1986.

Tut ils discs da Alexi e Marcus

Avrir la box Serrar la box

1984 Ina canzun

1986 In clom

1990 Anavon

2008 Salischina

2020 L’alva

Dapli dal disc nov da Alexi e Marcus datti d'udir en l'Artg musical dals 24 da matg.

RTR Telesguard 17:40

Artitgels legids il pli savens