Siglir tar il cuntegn

Header

Video
35 onns producziun da musica RTR – Giusep Giuanin Decurtins
Or da Telesguard dals 07.11.2019.
laschar ir
cuntegn

35 onns producziun da musica «Giusep Giuanin Decurtins ha fitg bunas ureglias»

«Giusep Giuanin Decurtins ha adina or las antennas. El sa nua ch'i dat tge chors e musicas e sustegn questas. Quai ha ina gronda valita», di il dirigent e pianist Clau Scherrer. Baininqual musicista e musicist ha fatg l'emprima registraziun tar RTR e pli tard fatg carriera.

Giusep Decurtins è insaco ina part da mia uffanza.
Autur: Clau ScherrerDirigent e pianist

Clau Scherrer ha fatg l'emprima registraziun da musica cun RTR sco buobet. El ha sunà clavazzin e las soras han chantà. «Giusep Giuanin era en il bus da registrar e savaiva exact sin il punct, nua ch'i è da midar insatge».

Clau Scherrer sco buobet.
Legenda: Clau Scherrer sco buobet. RTR

Mario Pacchioli n'aveva betg durmì bain avant l'emprima registraziun da musica. «Jau era gnervus. Per mai era quai sco dad ir l'emprima giada en il studio», di il musicist. Giusep Giuanin haja adina gì ina moda e maniera fetg sincera ed aviarta da cussegliar e sustegnair.

Mario Pacchioli.
Legenda: Mario Pacchioli. RTR

Giusep Giuanin Decurtins ha era fatg las emprimas registraziuns dals Furbazs. Pli tard ha el annuzià els pil Concours d’Eurovision e cunquai dà in grond stausch a lur carriera. «Nus avain d’engraziar fitg bler ad el», di Giusep Quinter.

Ils Furbaz durant il Eurovision Song Contest 1989.
Legenda: Ils Furbaz durant il Eurovision Song Contest 1989. RTR

TSG 17:40