Siglir tar il cuntegn

Header

audio
Ils morts da Martina
Or da Marella dals 20.06.2021. Maletg: MAD
laschar ir. Durada: 43 minutas 17 Secundas.
cuntegn

Marella Ils morts da Martina

Avant bunamain 50 onns han persunas udì sbratgs d’agid or dal guaud sper Martina. In pèr mais pli tard èn vegnidas chattadas duas persunas mortas nunenconuschentas. Datti qua in connex? La Marella raquinta quest’istorgia misteriusa.

Quai era il glindesdi da Pasca 1974: Curt suenter mezdi ha in um da Sclamischot (Strada) chattà dus morts – per terra sin la via da guaud, si vers Chavrà. Ils corps eran gia en in stadi da decumposiziun. Subit ha el avisà la polizia ed in cas fitg insolit per Martina en Engiadia Bassa ha cumenzà. Tgi èn quests morts?

Ina dunna cun ina clav per in’abitaziun a Salzburg ed ina tastga plain chartas ed in giuven en viadi senza chalzers. En questa Marella raquintains l’istorgia tragica e misteriusa d’ina mamma e ses figl ch'èn morts durant lur prova da passar illegalmain il cunfin verd per vegnir en Svizra. Igl è in’istorgia da valischs laschadas enavos e da satgins plain spezarias. Ed igl è in’istorgia da reproschas e nauscha conscienza. In pèr mais avant il chat dals morts èn numnadamain vegnì udids sbratgs d’agid or dal guaud. Avessan ins pudì impedir quest’istorgia tragica? Insatge è cler, i na sa tracta betg be d’ina istorgia, mabain d’in eveniment real.

RTR Marella 09:03

Artitgels legids il pli savens