Danunder deriva quest uffizi e co ha el sa midà en il decurs dals tschientaners? Daco tschernivan ins pli baud gugent er trais madritschas e dus padrins per mintga uffant? Tge aspectativas han ozendi geniturs e spirituals ad in padrin? Tge far sche al plaschair e l’onur da daventar madritscha segua la nauscha conscienza u sche l’uffizi da padrin sa limitescha a furnir punctualmain in bel regal? La Marella sa metta als fastizs da quest uffizi e sias tradiziuns.
Quest’emissiun è vegnida realisada l’onn 2012. A pled eran vegnids quella giada l’istoricher Adolf Collenberg, la teologa Cornelia Camichel, il spiritual e pader dominican barmier Clau Lombriser sco er il psicolog d’uffants e giuvenils Philipp Ramming.