Siglir tar il cuntegn

Header

audio
Ruinescha il corona la cultura?
Or da Magazin da cultura dals 21.03.2020. Maletg: Keystone
laschar ir. Durada: 53 minutas 57 Secundas.
cuntegn

Tschintg persunas raquintan Ruinescha il corona la cultura?

Lockdown er en la cultura grischuna? Emprimas vuschs tranter desperaziun e speranza.

Intgins dals Fränzlis da Tschlin èn asmatichers e perquai stads tar il medi, la chantadura Corin Curschellas cumenza a dissegnar, l'actur Lorenzo Polin ha pers passa 20'000 francs entaifer paucs dis. La Chasa Editura Rumantscha sa fa però paucs quitads finanzials, entant ch'il center d'art contemporan Nairs a Scuol sa dumonda: «co vinavant?»

Dapi intgins dis sa chatta la Svizra en il modus extraordinari. E cunquai er la cultura. Nus avain rimnà emprims statements ord la cultura grischuna anc avant ch'il mund cumenza a s'ordinar da nov. Las vuschs na pudessan betg esser pli differentas – ellas sa movan tranter desperaziun, speranza e ferms appels per alternativas a noss sistem economic e social.

audio
La crisa: artists independents
ord Magazin da cultura dals 21.03.2020. Maletg: Keystone
laschar ir. Durada: 9 minutas 53 Secundas.
audio
La crisa: instituziuns culturalas
ord Magazin da cultura dals 21.03.2020. Maletg: Keystone
laschar ir. Durada: 6 minutas 17 Secundas.

Litteratura

En ses nov roman «Innozenz» porta l’autur Gion Mathias Cavelty ils lecturs sin ina descensiun absurda en ils enfierns. Chatta l’inquisitur dal papa la chavazza da l’emprim uman? E tge capita sche betg umans legian cudeschs, ma cudeschs umans?

audio
Litteratura: "Innozenz" da Gion Mathias Cavelty
ord Magazin da cultura dals 21.03.2020. Maletg: RTR, Esther Krättli
laschar ir. Durada: 6 minutas 47 Secundas.

Tip persunal

El era «l'enfant terrible» da la Televisiun svizra en ils onns novanta: Frank Baumann. Cun sia emissiun satirica «Ventil» ha el chatschà inqual aspectatur ord ils canapés en stiva. Noss tip cultural, spezialmain adattà a lungs dis en chasa, sblundregia l'archiv dal «Ventil», in relict d'in temp cura che nagin discurriva anc da «political correctness». Ins è tentà da dir: «tge cletg».

audio
«Ventil» da Frank Baumann
ord Magazin da cultura dals 21.03.2020. Maletg: SRF
laschar ir. Durada: 4 minutas 17 Secundas.

RTR Magazin da cultura 21.03.2020

Artitgels legids il pli savens