Siglir tar il cuntegn

Header

Ils musicists da jazz Niculin Janett e Noam Szyfer sa legran sin Nadal.
Legenda: Ils musicists da jazz Niculin Janett e Noam Szyfer sa legran sin Nadal. MAD / Niculin Janett
cuntegn

Magazin da cultura Niculin Janett: «In pau humor fa bain al jazz.»

Atgnamain è el profi-saxofonist. Chantond e tgutglond vul Niculin Janett uss arver la «kunst» seriusa dal jazz.

Il saxofonist Niculin Janett ed il ghitarrist Noam Szyfer furman ensemen «The Sad Pumpkins». Quests dis proclameschan els in Nadal in pau auter ch’usità: in Nadal melancolic, però er ironic, schizunt lasciv. Va quai? Gea: grazia al ritg fundus da chanzuns da Nadal en la tradiziun dal jazz american dals onns 30.

A chaschun da lur turnea actuala «Sad Christmas» filan ils dus Turgovians vinavant questa tradiziun, fidaivels a lur ragischs sco jazzers, dentant er cun bleras tschegnadas umoristicas.

Cun Niculin Janett avain nus discurrì davart chalenders d’advent controvers, quant bler ch’el exercitescha mintga di – e sche sia patria musicala es Tschlin ubain New York.

Litteratura

En la rubrica litterara preschenta Bettina Vital muments d’amur en la litteratura rumantscha. En la poesia «Il bagn» da Jessica Zuan vai per l’amur dals geniturs per lur uffants.

Tip Persunal

Reprisa

RTR Magazin da cultura