Siglir tar il cuntegn

Header

cuntegn

Magazin da cultura Memorisar ina vallada

L’Archiv cultural Lumnezia rimna tut quai che ha da far cun l’istorgia da la val e da lur abitants, uniuns, scolas e plaivs. Uss, in onn suenter sia fundaziun, avra quest nov archiv sias portas al public. In inscunter cun l’archivar Simon Derungs, rimnader passiunà dal passà.

Adina dapli chasas da scolas èn daventadas vitas ils ultims onns en il Grischun – uschia er la chasa da scola da Suraua ad Uors. Dapi in onn ha quest lieu dentant puspè ina muntada impurtanta per il public: L’anteriur lavuratori da la scola serva sco archiv cultural per la Val Lumnezia. Là nua ch’uffants han ina giada zambregià, sa chatta oz in sammelsuri da documents, fotografias, cudeschs, catalogs e tschupels.

Quel che inventarisescha tut questas archivalias cun corp ed olma è l’um pensiunà Simon Derungs da Surcasti. Sonda, ils 26 d’october, avra el las portas da ses reginavel al public. En questa emissiun declera l’anteriur montader da maschinas da lavar pertge ch’igl è stà nairas uras da fundar in archiv cultural – ed el raquinta d’ustiers najads e danunder ch’el ha in zic sang blau en sias avainas.

audio
Visita a l'Archiv cultural Lumnezia
ord Magazin da cultura dals 19.10.2019.
laschar ir. Durada: 6 minutas 15 Secundas.
audio
Quant impurtant è in archiv cultural per ina regiun?
ord Magazin da cultura dals 19.10.2019.
laschar ir. Durada: 6 minutas.
audio
Tip persunal: Guido Baselgia expona
ord Magazin da cultura dals 19.10.2019.
laschar ir. Durada: 2 minutas 41 Secundas.
audio
Reprisa: L'Uniun grischuna a Berna
ord Magazin da cultura dals 19.10.2019.
laschar ir. Durada: 3 minutas 34 Secundas.

RR Magazin da cultura 11:00

Artitgels legids il pli savens