Siglir tar il cuntegn

Header

audio
«Sein Kopf muss fallen» – drama a Mustér
Or da Magazin da cultura dals 08.02.2020. Maletg: RTR/ A. Alexandre
laschar ir. Durada: 56 minutas 3 Secundas.
cuntegn

Magazin da cultura «Sein Kopf muss fallen!» – drama a Mustér

En circa 5 emnas èsi uschè lunsch: il gieu festiv «Der Fels und das Schwert» marca la fin da las lavurs da restauraziun da la baselgia claustrala S. Martin a Mustér.

En paucas emnas vegn la baselgia claustrala S. Martin a Mustér a sa transfurmar en ina tribuna da teater: «Der Fels und das Schwert» è in toc scrit aposta per la finiziun da las lavurs da restauraziun e relata la legenda da Sigisbert e Placi, ils fundaturs da la claustra.

En il Magazin da cultura raquintan intgins dals giuvens acturs da la sfida da schonglar tranter scola e teater e Felicitas Heyerick e David Flepp (il duo responsabel per la reschia) raquintan tge ch’il public po tut spetgar da quest toc ch’els numnan ina «gronda chista».

audio
«Der Fels und das Schwert» – 5 emnas avant la premiera
ord Magazin da cultura dals 08.02.2020.
laschar ir. Durada: 8 minutas 37 Secundas.
audio
Not Soliva interpretescha la rolla dal diavel
ord Magazin da cultura dals 08.02.2020.
laschar ir. Durada: 5 minutas 29 Secundas.

«Der Fels und das Schwert» / «Il grep e la spada» en curt:

Avrir la box Serrar la box

In gieu festiv religius (en tudestg e rumantsch) scrit a posta per la finiziun da las lavurs da restauraziun da la baselgia claustrala S. Martin. Il toc è ina reinterpretaziun da la legenda da Sigisbert e Placi, ils fundaturs da la claustra da Mustér.

Cura: 13/14/15/20/22 da mars 2020

Nua: Baselgia claustrala S. Martin a Mustér

Autur: Hanspeter Gschwend

Cumponist: Martin Völlinger

Reschia: Felicitas Heyerick & David Flepp

Sin tribuna: scolaras e scolars dal gimnasi, magistraglia dal gimnasi, Erwin Ardüser (Placi), Hanspeter Müller-Drossaart (Sigisbert)

Chor: Chor dal gimnasi da la claustra da Mustér

Orchester: Orchester Desertina

Tip persunal

Ir ad ina radunanza da vischnanca n’è per franc betg il pli divertent ch’i dat. Pertge duess ins lura pomai ir a guardar in program nua ch’i va per ina tala radunanza? Perquai che Mike Müller è quel ch’è sin tribuna!

audio
«Heute Gemeindeversammlung» – il nov program solo da Mike Müller
ord Magazin da cultura dals 08.02.2020.
laschar ir. Durada: 3 minutas 2 Secundas.

La Reprisa

Ina giuria d’architects ha elegì il Muzeum Susch sco «construcziun da l’onn 2019». Ils architects Chasper Schmidlin e Lukas Voellmy hajan transmidà en moda exemplarica in’entira cumbinaziun dad edifizis en in museum modern.

audio
Il Muzeum Susch vegn premià sco «construcziun da l’onn 2019»
ord Magazin da cultura dals 08.02.2020.
laschar ir. Durada: 3 minutas 19 Secundas.

Litteratura

En la rubrica litterara preschenta Esther Krättli il forum online da la revista «Das Gedicht». Sin questa pagina tudestga, as chattan numnadamain era poesias en rumantsch....

audio
Litteratura: Poesias rumantschas en la revista «Das Gedicht»
ord Magazin da cultura dals 08.02.2020. Maletg: RTR, Esther Krättli
laschar ir. Durada: 6 minutas 55 Secundas.

RTR Magazin da cultura 11:00

Artitgels legids il pli savens