Siglir tar il cuntegn

Header

audio
«Jau na di mai ‹na›»: Co ins inventarisescha il passà
Or da Magazin da cultura dals 09.11.2019.
laschar ir. Durada: 54:23 minutas.
cuntegn

Magazin da cultura «Jau prend tut»: Tarcisi Hendry inventarisescha il passà

Ils davos onns èn vegnids fundads en l'entira Surselva gist plirs archivs culturals. La culpa è er el: Tarcisi Hendry.

Tarcisi Hendry è archivar communal da Tujetsch ed inspectur chantunal per archivs en Surselva. Cunzunt è el: in piunier. Ils davos onns ha el animà e gidà da fundar plirs archivs culturals en Surselva, lieus che tegnan en salv documents istorics da la populaziun. Ins pudess discurrer dad in veritabel boom d'archivs culturals – davent da la Lumnezia (ch'il Magazin da cultura ha purtretà ils 19 d'october) sur Glion fin a Sumvitg.

Nus ans dumandain: Nascha qua gist ina nova spezia d’in «service public»? Tarcisi Hendry davart la valur d'archivs culturals per la populaziun e tge che l'olma dal Stoffel ha da far cun ses engaschi.

Tip da litteratura

Sin il cover dal cudesch ves'ins Emilia che ha problems cun far quints.
Legenda: Cover dal nov cudesch da maletgs Emilia na vegn betg a frida cun matematica RTR, Esther Krättli

«Emilia ed ils quens» è in’istorgia che quinta co ch’ins sa surventscher temas da scola. Emilia è ina matta da la 3. classa che na vegn betg a frida cun far quints. Ma la vita dad Emilia sa mida cun in telefon ed ina nova scolasta che mussa ch'era ella ha sias fermezzas.

35 onns producziun da musica RTR

Passa 11'000 titels ha RTR registrà en tut quels onns. La persuna ch'ha inizià e manà vinavant quellas enfin oz è Giusep Giuanin Decurtins.

90 onns club d'accordeons Cuira

Il club d’accordeons da Cuira è vegnì fundà il 1929 da Kaspar Strebel ch’aveva ina scola da musica. Ses scolars han uschia survegnì la pussaivladad da sa preschentar en ina gruppa e far concerts.

RR Magazin da cultura 11:00