Siglir tar il cuntegn

Header

audio
Il grond final, il cumià da la Hanneli-Musig
Or da La populara dals 13.01.2022.
laschar ir. Durada: 59:49 minutas.
cuntegn

La populara Hanneli-Musig: 6 musicants – 20 onns – 200 concerts

Cun lur 8avel disc «Gassenhauer» va lur istorgia a fin.

En La populara dad oz udis melodias e sauts vegls en in nov vestgi: Ina da las chapellas che cultiveschan quai stgazi è la Hanneli Musik, fundada il 2002. Suenter 20 onns datti però il cumià, cun ina turnea ed il disc «Gassenhauer». Quel cuntegna bleras melodias enconuschentas, da quellas popularas ed er da quellas da la musica da divertiment da decennis passads.

Gia al principi ha la «Hanneli-Musig» fatg reviver sauts vegls, che han chattà in nov public e che han da blers impuls a la scena da la musica populara. Da la partida èn musicants da num e da pum: Dani Häusler, clarinetta – Fränggi Gehrig, accordeon – Peter Gisler, orgelet e cuntrabass – Fabian Müller, violoncello – Johannes Schmid-Kunz, violina e Ueli Mooser, percussiun, cuntrabass e blers auters instruments. Fin l'onn 2018 è er Christoph Mächler stà commember da la Hanneli-Musig.

La Hanneli-Musig
Legenda: La Hanneli-Musig MAD

Durant ils ultims 20 onns han els registrà otg discs: «Blümchen Wunderhold», lur emprim dal 2004 – e lura «Alpenträume», «Tänzix», «Seeland», «Baselbiet», «Polka ma non troppo» e «Über Stock und Stei» – discs cun tocs vegls tradiziunals però er cun tocs che derivan da cumponists da la musica da divertiment. Quai vala er per lur disc da cumià «Gassenhauer» cun 30 tocs semperverds.

RTR La populara 19:00

Artitgels legids il pli savens

Scrollar a sanestra Scrollar a dretga