Sin l’entir mund vegnan en general dapli umens che dunnas a pled en las medias. Uschia era tar RTR. Cun sia seria da stad vul La Marella equilibrar quai almain in zic, e propona intginas perlas or da l’archiv nua che dunnas stattan en il center.
En Svizra vegn stimà che mintga 5avla dunna fetschia l’experientscha dad ina gravidanza che s’interrumpa. Maria Cadruvi s’inscuntra cun trais dunnas ch’han fatg quest’experientscha: Tresa Rüthers-Seeli, Lucia Netzer-Peduzzi e Flurina Plouda.
«Mammas dad uffants betg naschids» è ina Marella dal 2004.