Siglir tar il cuntegn

Header

audio
Joga – bler dapli ch’ina «gimnastica»
Or da Marella dals 21.11.2021.
laschar ir. Durada: 41:44 minutas.
cuntegn

La Marella Joga – bler dapli ch’ina «gimnastica»

Senza che vus stoppias rullar ora la matta ni trair en chautschas da gimnastica, as propona La Marella da sa fatschentar cun quai ch'è bler dapli che mo in exercizi corporal: il joga.

Sch’el era avant intgins decennis anc insatge che vegniva associà ad intgins hippis a la tschertga d’illuminaziun, è il joga ozendi dapertut: managers fan joga svelt sur mezdi, per dunnas en speranza e persunas cun problems da dies datti gruppas spezialas ed el è adattà tant per uffants sco per seniors.

Danunder vegn el? Tge èn ils effects ch’el ha sin corp ed olma? Co declerar il hype ch’il joga ha  il mument? È quai che vegn instruì en noss studios da joga il medem sco quai ch’ins chattava avant millennis en l’India? Quant fitg è quai che nus numnain «joga» in’appropriaziun culturala che pudess era parair «senza respect»?

A la tschertga da respostas discurra La Marella cun Natalia Knuchel (Turitg) e Claudia Klaiss (Trun), omaduas magistras da joga. Ellas raquintan da la sfida d’avair la ballantscha tranter exercizis per il corp e meditaziuns, da l’influenza da las medias socialas sin il joga, e pertge ch’i n’è insumma betg vair ch’ins stoppia avair in corp sportiv u movibel per daventar in «jogi».

RTR Marella 09:00

Artitgels legids il pli savens

Scrollar a sanestra Scrollar a dretga