Sin l’entir mund vegnan en general dapli umens che dunnas a pled en las medias. Uschia era tar RTR. Cun sia seria da stad vul La Marella equilibrar quai almain in zic, e propona intginas perlas or da l’archiv nua che dunnas stattan en il center.
La quart ‘emissiun da questa seria è in inscunter cun trais soras, quai en il dubel senn dal pled. Valentin Schmed purtretescha trais dunnas ch’èn tant soras biologicas sco era soras en la Claustra Dominicana a Glion: Sora Berta, Sora Armina e Sora Ermelinda.
«Il trio Maissen» è ina Marella dal 2006.