Siglir tar il cuntegn

Header

audio
La Marella
Or da Marella dals 19.09.2021.
laschar ir. Durada: 45:47 minutas.
cuntegn

La Marella Donaziuns – benedicziun ni smaladicziun?

Reparter daners n’è betg simpel.
Autur: Reto Pfister Anteriur president communal da Schlans

Il 2002 aveva ina bova destruì grondas parts da Schlans. Anc oz, bunamain 20 onns pli tard, è il tema da la repartiziun dals daners, da las donaziuns in tabu. Cun far retschertgas en quest connex, nagin che vuleva prender posiziun, declerar, raquintar sco quai è stà avant 20 onns.

Agid per l'Italia
Legenda: Agid per l'Italia Material ch'è vegnì rimnà per l'Italia, december 1948 MAD

Prendì posiziun ha Reto Pfister da Schlans. Schlans aveva survegnì da donaturas e donaturs directamain radund in milliun francs. Daners che la suprastanza communala aveva da tgirar.

Il problem è che la glieud ha il sentiment che la vischnanca haja in conto cun daners ed ella sesa sisur sco ina clutscha.
Autur: Reto Pfister aveva da reparter in milliun francs

Ch’igl n’è betg simpel da reparter daners sa era Thomas Kollegger, il schef da l’Uffizi da vischnancas dal chantun Grischun. Perquai installescha el tar catastrofas pli grondas adina ina cumissiun che metta si criteris per pudair tractar tuts gist e per avair la controlla. Pertge: donaziuns pon chaschunar malaveglia, malperinadad e charplinas.

Malgrà quai è Thomas Kollegger persvadì che donaziuns èn ina benedicziun. Che quels ch’han basegns, survegnan agid finanzial.

Legenda: Thomas Koellegger RTR
Donaziuns èn benedicziun – ina chaussa da solidaritad.
Autur: Thomas Kollegger schef da l'Uffizi da vischnancas dal chantun Grischun

Sch’i va per donaziuns, sche ston ins savair ch’i dat reglas. E sch’i dat persunas che cugliunan, lura po quai avair consequenzas penalas, di Alessandro della Vedova, il gestiunari da la Caritas Grischun.

Ins na po betg partir dal fatg ch'i dat automaticamain daners tar ina catastrofa.

Survegnir donaziuns è in privilegi.
Autur: Alessandro della Vedova gestiunari da la Caritas Grischun
Legenda: Alessandro della Vedova RTR

Ord l'archiv:

 

RTR Marella 09:00

Artitgels legids il pli savens

Scrollar a sanestra Scrollar a dretga