Ivo Zen è naschì e creschì si a Sta. Maria en Val Müstair. Suenter la matura a la scola chantunala a Cuira studegia el architectura a la ETH, Turitg. Il 2003 fa el il diplom da l’Ecole Supérieure des Beaux Arts Genève per film e video. Dal 2010-2017 è Ivo Zen stà president da la gruppa d’interess Cineasts independents rumantschs CIR. Dapi il matg 2018 è Ivo Zen en la suprastanza da l'Associaziun svizra reschia e scenari da film.
Il 2016 realisescha el ses emprim film documentar da kino «Zaunkönig – Tagebuch einer Freundschaft». Ivo Zen abitescha a Turitg, el è maridà ed ha dus uffants.
Films per RTR
| 2004 | Pizzet |
| 2008 | Mes emprim onn en il convict |
| 2010 | Films d’amaturs – amaturs da film |
| 2014 | In’experientscha musicala |
| 2015 | Esser da chasa – quatter dunnas da Sent |
