Siglir tar il cuntegn
Inhalt

Il film rumantsch Gieri Venzin

Gieri Venzin, naschì l'onn 1959 a Sedrun.

Purtret da Gieri Venzin.
Legenda: Gieri Venzin. mad

Gieri Venzin è creschì si a Sedrun. Suenter la matura a la Scola claustrala da Mustér studegia el istorgia svizra, politologia e litteratura tudestga a Berna e Freiburg im Breisgau.1985 entschaiva el tar Radio Rumantsch sco stagiaire, dasperas fa el la scola da schurnalissem al MAZ a Lucerna. Dal 1986 enfin 1992 lavura Gieri Venzin tar Radiotelevisiun Svizra Rumantscha, a l’entschatta per il radio silsuenter per la televisiun nua ch’el realisescha contribuziuns per la Svizra Rumantscha e Muschkito. Il 1993 sa renda el a Turitg tar la Televisiun Svizra (SF) e lavura per las redacziuns Time Out, Netz Natur e Schweiz Aktuell. 2002 fundescha Gieri Venzin sia firma da producziun monte films cun sedia a Sedrun. Dapi lura lavura el parzial per l’emissiun DOK a Turitg e sco cineast independent fa el films per RTR, SRF, ARTE e Spiegel TV.

Il 2003 enfin l’avertura da la NEAT 2016 ha Gieri Venzin observà ed accumpagnà filmicamain las lavurs ed ils midaments en la val Tujetsch. Il resultat en 5 films, «la ruosna 1-5» per RTR ed il film documentar «Unten durch – die Sedruner und der Gotthardtunnel» per SRF.

Gieri Venzin ha dus figls e viva a Turitg, Trun e Sedrun.

Intgins films per RTR

1998
Condrau
2000Puscha! Puscha! Tut che cloma – historia dalla vacca brina
2001Onna Maria – cronica d'in mazzament
2001Alfons Maissen – ina veta pil vargau
2002Il temps tut auter che buns
2003 – 2016
La ruosna 1-5
2005
Jeu fuss morts: Ursicin G.G.Derungs – staus pader e
maridaus
2006Il tarlisch dil cletg
2007Tutto bello – cronica d’ina vendetga
2011La chantadura tschocca
2012O schei vus caras steilas – ina stad cun cantus firmus
Surselva
2012Il credo da Clau Scherrer
2013Il clom dalla pezza
2014 / 2015
Il misteri da Bargun I e II