Siglir tar il cuntegn

Header

audio
Ha mintgin las medemas schanzas en la vita, Eveline Saoud ?
Or da Vita e cretta dals 15.08.2021. Maletg: RTR, Eveline Saoud
laschar ir. Durada: 58 minutas.
cuntegn

Eveline Saoud Ha mintgin las medemas schanzas en la vita, Eveline Saoud?

La scienziada da religiun e reverenda respunda a dumondas filosoficas da Vita e cretta.

La reverenda Eveline Saoud era gist turnada dad in funeral a Turitg, ch’ella è sa scuntrada cun la Vita e cretta per las dumondas filosoficas. La dunna da 50 onns e mamma da dus uffants è scienziada da religiun, magistra da gimnasi e reverenda per tgi che viva en il circus u fa commerzi a fairas.

Schanzas sajan in grond tema per ils umans ch’ella scuntra – e gea, betg tuttas e tuts hajan la medema schanza, quinta Eveline Saoud. Dentant, sco adina, èsi da differenziar. Quai mussa per exempel gist il funeral da quel um da Turitg, ch’è naschì quasi senza schanzas ed ha tuttina prendì ellas.

Per l’ultima ediziun estiva da Vita e cretta ha la reverenda, che ha emprendì rumantsch en sia emprima pravenda a Scuol, dat sias respostas a las dumondas: Ha mintgin:a las medemas schanzas en la vita? E datti in recept per la fortuna?

audio
Dumondas filosoficas cun Eveline Saoud
ord Vita e cretta dals 15.08.2021. Maletg: Keystone
laschar ir. Durada: 4 minutas 10 Secundas.

Da sia pravenda a Scuol n'ha Eveline Saoud dal rest betg be prendì cun sai il Rumantsch – ma er l'inspiraziun per ses tatoo: Ina ritscha, ina spezia da sirena engiadinaisa.

Portrait.
Legenda: Il souvenir engiadinais – la scienziada da religiun e reverenda Eveline Saoud e la ritscha tatuada. RTR, Isabelle Jaeger

Vita e cretta 08:00

Artitgels legids il pli savens