Libertads sin viadi vul er dir emprender d’enconuscher la cultura, l’istorgia, la religiun, spaisas e bavrondas. E tgi che va a pe, haja dapli da la natira, di il turisticher da professiun che va sez gugent cun velo.
Nus essan ibrids – la glieud vul cumbinar tut il pussaivel.
Far viadi na fan ins betg per arrivar, mabain per viagiar, manegia Martin Vincenz citond in scriptur tudestg. Ma gist l’enviern cun bler bagascha saja far viadi stentus.
Il pled turissem vegn da touring e touring vul dir viagiar.
Carstgauns han il dretg da far viadi. E quai cumenza gia sco uffant pitschen, per exempel il viadi en scolina. Scolarets hajan magari dapli aventuras sin lur viadi en scolina che persunas creschidas. Ma il dretg da far tge ch’ins vul n’ha nagin, di Martin Vincenz. Gist quai saja il punct da vesair tge ch’è libertad e tge reglas ch’i dovra per pudair structurar quest dretg.
Turissem chaschuna emissiun. Perquai di il turisticher Grischun: Turissem da massa u turissem persistent – i na dat betg insatge ch’è meglier.
Turissem n’è betg persistent.