Siglir tar il cuntegn
Inhalt

Cultura Star a la sumbriva cun in bun crimi

En il nov roman criminal «Krähenyeti» da l’autur engiadinais Daniel Badraun stgarpitscha il protagonist Claudio Mettler puspè d’ina situaziun scurrila en tschella.

Cover dal crimi Krähenyeti
Legenda: Krähenyeti il nov crimi da Daniel Badraun. RTR, Esther Krättli

Mettler n’è betg il cumissari u il detectiv tipic, ma plitost in anti erox simpatic e senza fortuna. Sin il lectur spetgan dus cas criminals nua che Claudio Mettler daventa bunamain senza vulair ina figura centrala.

Questa giada scappa el da l’idilla da l‘Engiadin’Ota. En India sviluppa el in’idea turistica che daventa però fatala, ed en Nepal sa participescha el ad in’expediziun che finescha en in fiasco.

Daniel Badraun ha scrit in roman criminal plain scharm e spiert che viva da l’interacziun e da las relaziuns tranter ils caracters. Plinavant vegnan er integrads temas brisants sco drogas, sectas u il commerzi cun uffants.

RR actualitad 08:00