Meds cunter la dolur, tranquilisaders, sirups cunter la tuss cun codein vegnan cumbinads cun alcohol e bavrondas dultschas, quai per avair in effect d’euforia e da relax.
D’in tal mix è morta la sor da Samba, il protagonist da «Die Torte». Samba va anc a scola, ma el ha ina gronda passiun: El fa enorm gugent paun, pettas, turtas e biscuits. Ses siemi fissi da far ina giada in Red Velvet Cake, ina turta detg cumplitgada.
L’autura Romana Ganzoni mussa cun sia istorgia, ch’ins sto motivar ils giuvenils dad exprimer giavischs e sentiments e da suandar ideas ed interess. I dat adina puspè persunas en la vita che crain vi da nus e che pon avrir novas portas.
audio
Nov raquint da Romana Ganzoni
ord RTR Audio dals 12.09.2020.
laschar ir. Durada: 7 minutas 31 Secundas.