Pop up amez Cuira - «Hallo Chur» ha in dachasa temporar

L'onn 2013 han intgins amis gì l'idea da far in'acziun in zichel speziala amez la citad da Cuira. Els han regalà durant ina entira damaun fluras a tuts ch'èn passads suravi l'Alexanderplatz. L'intent era da far in plaschair.

Legenda: L'emprima acziun da «Hallo Chur» stà da regalar fluras. Tuts passants han pudì prender fluras gratuitamain a chasa. RTR / MAD

In onn pli tard han els vulì reactivar la plazza da la regenza cun postar durant la stad en quest lieu sutgas e maisas. L'intent era da far che la glieud restia là in mument.

Legenda: Sutgas e maisas sin la plazza da la regenza. L'intent era dad envidar passants a far ina pausa en quest lieu. RTR / MAD

Legenda: En questa chasa ha lieu anc fin l'october in pop up cultural. La chasa è sa transfurmada en in lieu per las pli differentas occurenzas culturalas. RTR / Esther Berther

Quest onn sun ils amis vegnids confruntads cun ina chasa gist sper la staziun da Cuira, ina chasa che duai bainprest vegnir stgarpada giu. Spontanamain èn els sa decidids da dar nova vita a questa chasa cun realisar in pop up cultural. Quest atun han lieu differentas occurenzas, davent da concerts, prelecziuns ubain sairas da gieus. Tut funcziuna sin basa da collecta ed è organisà nuncumplitgà.

Telesguard 17:40