La «Art Basel» n'ha betg lieu l'onn current. La MCH Group ha stuì dir giu la fiera d'art a Basilea ch'era vegnida spustada davent dal matg sin il settember. Quai ha communitgà la manadra da la fiera.
Ins haja prendì questa decisiun suenter cussegliaziuns cun gallarists, collectaders, partenaris ed experts externs da la Art Basel. Decisiv sajan stadas las ristgas da sanadad e da segirtad, dentant era las ristgas finanzialas per expositurs e partenaris.