Siglir tar il cuntegn

Header

video
Olá - Samuel Almeida ils skiunz portugais
Or da Giuventetgna dals 28.01.2020.
laschar ir. Durada: 1 minuta 30 Secundas.
cuntegn

OLÀ – Da nus para vocês Samuel Almeida – In skiunz portugais

Samuel Almeida è naschì a Samedan e creschì si a Puntraschigna. El ha 22 onns, ha terminà l'emprendissadi sco electroinstallatur e fa actualmain la matura professiunala a Cuira. Dapi ch'el ha 2 onns stat el sin skis e cun 16 onns ha el cumenzà a participar a cursas da skis. Tras ses bab hai dà contacts cun la federaziun portugaisa da sports d’enviern ed uschia ha il giuven Engiadinais pudì prender part a cursas da FIS en il dress dal Portugal.

audio
Saira: Samuel Almeida – il skiunz portugais
ord Actualitad dals 31.01.2020.
laschar ir. Durada: 3 minutas 31 Secundas.

Per pudair sa concentrar sin la matura fa el quest onn ina pausa cun il sport da skis:

Ad in tschert punct stoss pensar vid tes futur, be cun ir a cursas da skis n'avess jau nagin futur.
Autur: Samuel Almeida Skiunz portugais

High – Lowlights

Avrir la box Serrar la box

Highlight

16avel plaz ad ina cursa da FIS a Chiesa Valmalenco (Sondrio) en Italia

El ha participà duas giadas a campiunadis mundials da skis a San Murrezzan ed ad Åre.

E sco giuven ha el era pudì prender part ina giada a gieus olimpics da giuvenils.

Lowlight

Avant 3 onns ha el rut tut las duas chommas ed ha stuì far ina pausa da 6 mais.

Finamira

Samuel vul il 2022 sa participar per il Portugal als proxims gieus olimpics d’enviern a Peking (China) e daventar il meglier skiunz portugais. Sper il sport less el eventualmain studegiar electrotecnica a Rapperswil.

RTR Da nus para vocês 19:00

Artitgels legids il pli savens