Siglir tar il cuntegn

Header

cuntegn

Olá – Da nus para vocês Michael de Melo – dal miradur al manader da construcziun

En Grischun abitan passa 9'000 persunas oriundas dal Portugal, quai è - suenter ils Tudestgs - la segund gronda gruppa da persunas da l'ester en noss chantun. La pli gronda part dals Portugais lavuran en l'hotellaria, en la gastronomia ed en il sectur da construcziun. Blers èn vegnids avant blers onns e restads . Lur uffants èn creschids si en il Grischun ed han fatg qua lur scolaziun. Per els s'avran uschia savens novas pussaivladads professiunalas. Michael de Melo è in da quels giuvens che va in zic in'autra via che ses bab.

Vier Jahreszeiten bagetg cuira
Legenda: RTR

Michael de Melo

Curs da vita

Textbox aufklappenTextbox zuklappen

El è naschÌ a Samedan e creschì si a Schlarigna. Oz è el cun ses 32 onns manader da construcziun tar la firma Hartmann/Wolfsbau. Cumenzà ha el cun l'emprendissadi da miradur, silsuenter ha el fatg cun success la scola da capolavurer ed uschia è el daventà manader en la partiziun che fa sanaziuns d’asbest. Durant ils davos onns è el sa perfecziunà ed uschia daventà manader da construcziun . Actualmain maina el il plazzal cun il num «Vier Jahreszeiten» a Cuira.

Mike de melo
Legenda: RTR

Tenor Michael è il mund da la construcziun vid sa midar. Ins haja adina pli pauc temp, la qualitad stoppia adina daventar meglra e quai tar pretschs bass.

Svelt, buna qualitad e bunmartgà, ozendi è quai nossa realitad.
Autur: Michael de Melomanader da construcziun

Per il giuven manader da construcziun èsi dentant impurtant che la scolaziun dals lavurants sa sviluppia era adina vinavant.

RTR Da nus para vocês 19:00