Carlos da Costa
Il giuven Carlos siemiava d'ina atgna chasa en Portugal e per pudair finanziar quella è el vegnì cun 20 onns en Svizra a lavurar en la branscha da construcziun. Oz ha el 43 onns e stat gia la mesadad da sia vita a Mustér. Da ses temp na devi anc betg tants Portugais sco oz en quest sectur. Il sulet linguatg ch'el saveva discurrer era portugais. Ses schef, Heinrich Berther, ha dentant pretendì ed era organisà curs da rumantsch ed uschia ha el svelt emprendì il linguatg.
Rumantsch ha pussibilità da sa sviluppar, sa scolar e far carriera
Oz è el el manader da construcziun e sa senta da chasa en la firma da construcziun Berther SA. Uschè ditg ch'el saja fit less el lavurar en Svizra e tgi sa forsa in di alura turnar en il Portugal.
João Moreira
João ha 32 onns ed è vegnì – era sco Carlos – cun 20 onns en Svizra. Cura ch'el è vegnì devi gia pli blers Portugais en la branscha da construcziun. In da ses collegas era Carlos e dad el haja el survegnì blers buns cussegls. Era João vuless daventar manader da construcziun e suandar uschia l'exempel da ses collega.
Jau hai emprendì rumantsch cun mes collegas che han vulì gidar mai, quai è stà fitg impurtant per s'integrar.
Cun agid da ses schef ha el dumagnà l’examen sco maschinist a Sursee e viva ussa cun sia famiglia en Svizra. Sch'el returna in di en Portugal, forsa.
Visiun
Cun Carlos e João èn duas generaziuns da lavurants en la branscha da construcziun. La lavur giaja mintg’onn enavos e blers lavurants na survegnian betg pli ina plazza da lavur sur onn. Perquai giaja la cifra dals lavurants oriunds dal Portugal era enavos. En vista a quest svilup ed era en vista che adina pli blers lavurian be stagiunal – daventia l'integraziun uschia adina pli e pli difficila.
RTR Canorta