Siglir tar il cuntegn

Header

audio
Mezdi: La caricaturista Marina Lutz avant sia vernissascha
Or da Actualitad dals 06.05.2019.
abspielen. Laufzeit 04:19 Minuten.
cuntegn

Cultura Marina Lutz prenda sin la corna ils Svizzers

Ina caricatura exprima dapli che milli pleds. Marina Lutz lavura dapi sis onns sco caricaturista – e prenda sin la corna politichers e pievel. Uss preschenta ella in cudesch cun passa 100 da sias meglras caricaturas.

«Worauf wir Schweizer stolz sind» è il titel. Sin tge èn ils Svizzers pia uschè loschs? Per exempel sin »qualitad svizra« e »tecnologia d’export«. Senza remischun e cun plima gizza dissegna Marina Lutz la mamma Helvetia ch’è loscha sin la qualitad dal panzer svizzer destinà a l’export.

Caricaturista tschertgada

Mo paucas uras ha ella mintgamai peda per dissegnar e dar giu a las gasettas sias lavurs. Las incumbensas survegn ella mintgamai dal Bündner Tagblatt, da la revista satirica Nebelspalter u da portals d’internet sco swissinfo.ch u parlament.ch.

Gia daditg ha ella gì l’idea d’edir ina schelta da sias caricaturas en in cudesch. Cun ina acziun da crowdfunding èsi finalmain gartegià. Ella ha chattà 41 persunas che gidan a finanziar la stampa e la grafica ed il text ha ella sezza procurà.

Marina Lutz

Marina Lutz

artista e caricaturista

Personen-Box aufklappenPersonen-Box zuklappen

Marina Lutz (*1988) è creschida si a Rabius ed abitescha a Lucerna. Là ha ella era studegià illustratura. Dapi il 2013 lavura ella sco artista libra e sco caricaturista. Il 2016 ha ella retschavì il premi da promoziun dal chantun Grischun.

Uss è la caricaturista loscha ch’igl è reussì. La sonda ha lieu la vernissascha a las 19:00 en la Kali Gallery a Lucerna.

Actualitad 11:00