Siglir tar il cuntegn

Header

audio
«Edir manuscrits istorics è adina in cumpromiss»
Or da Magazin da cultura dals 31.08.2019. Maletg: MAD
laschar ir. Durada: 52 minutas 50 Secundas.
cuntegn

Magazin da cultura «Edir manuscrits istorics è adina in cumpromiss»

Co fissi tenor Vus dad edir manuscrits istorics? Surpigliar 1:1 quai che l'autur ha scrit avant tschients onns? U tuttina adattar in zic il text per ch'el saja pli simpels da chapir? Quant fitg dastga in editur intervegnir, simplifitgar e midar?

Cun da questas dumondas sa fatschenta glieud dal fatg questa fin d'emna a l'Universitad da Fribourg. Era Michele Badilatti è da la partida a quest colloqui ed en il Magazin da cultura raquinta el da las problematicas da l'edir manuscrits istorics ed era da sia lavur vid in diari da viadi or dal 18avel tschientaner.

Fotografia dal chau da Michele Badilatti
Legenda: Il romanist Michele Badilatti enconuscha bain la problematica d’edir manuscrits istorics RTR, Astrid Alexandre

Che Michele Badilatti è in linguist dal 21avel tschientaner. Ch'el viva mintgatant era en il 18avel tschientaner ha da far cun Gion Casper Collenberg da Lumbrein. Quel ha scrit sin var 250 paginas, scrittas ed illustradas a maun, da sia vita e ses viadi en bartga a Mauritius.

Ina pagina ord il mauscrit illustrà da Gion Casper Collenberg che mussa ina bartga dal 18avel tschientaner
Legenda: Il manuscrit illustrà da Gion Casper Collenberg (1733 – 1792) MAD Michele Badilatti

«Edir manuscrits istorics è adina in cumpromiss» cunquai ch'ins sto pensar ad almain trais tips da lecturs differents.

audio
Il diari da viadi da Gion Casper Collenberg
ord Magazin da cultura dals 31.08.2019.
laschar ir. Durada: 5 minutas 29 Secundas.
audio
Discurs cun Michele Badilatti davart l’edir manuscrits istorics
ord Magazin da cultura dals 31.08.2019.
laschar ir. Durada: 7 minutas 58 Secundas.

En la rubrica litterara propona Esther Krättli da sfegliar en «Herr Anselm», il pli nov roman dad Arno Camenisch che cumpara quests dis. En «Herr Anselm» vai per il pedel d’ina scola da vischnanca che vegn uss serrada – in’istoriga d’encreschadetgna per muments da fortuna.

Fotografia dad Arno Camenisch
Legenda: L'autur Arno Camensich MAD, foto Janosch Abel
audio
Litteratura: «Herr Anselm» il nov cudesch dad Arno Camenisch
ord Magazin da cultura dals 31.08.2019.
laschar ir. Durada: 5 minutas 43 Secundas.

Il tip persunal: Nus e noss reflex l’exposiziun: «Spiegel: Der Mensch im Widerschein» en il Museum Rietberg a Turitg.

audio
Tip persunal: in sguard en il spievel en il Museum Rietberg
ord Magazin da cultura dals 31.08.2019.
laschar ir. Durada: 3 minutas 42 Secundas.

RR Magazin da cultura 11:00

Artitgels legids il pli savens