Cun da questas dumondas sa fatschenta glieud dal fatg questa fin d'emna a l'Universitad da Fribourg. Era Michele Badilatti è da la partida a quest colloqui ed en il Magazin da cultura raquinta el da las problematicas da l'edir manuscrits istorics ed era da sia lavur vid in diari da viadi or dal 18avel tschientaner.
Che Michele Badilatti è in linguist dal 21avel tschientaner. Ch'el viva mintgatant era en il 18avel tschientaner ha da far cun Gion Casper Collenberg da Lumbrein. Quel ha scrit sin var 250 paginas, scrittas ed illustradas a maun, da sia vita e ses viadi en bartga a Mauritius.
«Edir manuscrits istorics è adina in cumpromiss» cunquai ch'ins sto pensar ad almain trais tips da lecturs differents.
En la rubrica litterara propona Esther Krättli da sfegliar en «Herr Anselm», il pli nov roman dad Arno Camenisch che cumpara quests dis. En «Herr Anselm» vai per il pedel d’ina scola da vischnanca che vegn uss serrada – in’istoriga d’encreschadetgna per muments da fortuna.
Il tip persunal: Nus e noss reflex l’exposiziun: «Spiegel: Der Mensch im Widerschein» en il Museum Rietberg a Turitg.
RR Magazin da cultura 11:00