Siglir tar il cuntegn

Header

audio
Crappa
Or da Magazin da cultura dals 07.09.2019.
laschar ir. Durada: 55:03 minutas.
cuntegn

Magazin da cultura Crappa

Tge ha crappa da far cun cultura? Forsa dapli che quai ch’ins patratga. Nus dain in sguard sin l’istorgia grischuna dal crap ed inscuntrain ina persuna ch’è colliada cun il crap sco paucas autras persunas en il Grischun.

Il crap è ina da las impurtantas materias primas dal Grischun. Bain vegn el avant en surabundanza en il chantun muntagnard. Dentant, crap n'è betg simplamain crap. Tut tenor qualitad, colur e structura vegn el duvrà per ils pli differents products: per craps da fossa, mobiglias, bischutaria u en la construcziun dad edifizis e vias.

Ami Conrad (81), è stà durant passa 40 onns mainafatschenta da la crappera Conrad ad Andeer.
Legenda: Ami Conrad (81), è stà durant passa 40 onns mainafatschenta da la crappera Conrad ad Andeer. RTR, Donat Caduff

Sonda, ils 14 da settember è il di svizzer da las crapperas. Cun questa chaschun fa il Magazin da cultura ina tour d’horizon tras l’istorgia dal crap en il Grischun – ed ina visita ad Ami Conrad (81), anteriur mainafatschenta da la crappera Conrad ad Andeer, enconuschenta per ses caracteristic granit verd.

RR Magazin da cultura 11:00