Siglir tar il cuntegn

Header

audio
Litteratura nova da Martin Fontana: «Sclaridas bufatgas»
Or da Ura culturala dals 01.05.2021.
laschar ir. Durada: 06:22 minutas.
cuntegn

Litteratura Poesias sco invits per star salda

La pli nova collecziun da poesias dal poet sursilvan Martin Fontana porta il titel «sclaridas bufatgas/stilles leuchten». I sa tracta dal quart cudesch culla lirica dal reverenda pensiunà da Flem.

La schelta da texts pli vegls e pli novs che Martin Fontana numna sez «versets» saja naschida oravant tut sin sias spassegiadas tras la natira. L’impuls per scriver al vegn «a viagiond e spetgond». Sper observaziuns da plantas ed animals èn era il curs dal di e las stagiuns motivs che turnan adina puspè.

En la poesia «A riva» stat il poet davant ina gronda mar, che signifitga per el la notg. El spetga sin la sien ch'al tschiffa sco in unda che va e turna.

Las poesias da Martin Fontana pledentan il lectur e la lectura ed intimeschan da metter en dumonda nossa vita hectica e da far da temp en temp ina pausa.

RTR Ura culturala 11:00

Artitgels legids il pli savens

Scrollar a sanestra Scrollar a dretga