Dacurt è vegnì ora in nov cudesch da maletgs cun ina segunda aventura da la pitschna muntanella Marmottin. En quel survegn la famiglia Muntanella nunspetgadamain posta d’ina vischina da pli baud. La vulp envida las muntanellas a barattar lur taunas.
Las muntanellas fan fagot e sa mettan sin viadi vers la citad. Là ston ellas l’emprim ir en tschertga dad insatge da magliar. Sin il martgà entaupan ellas in martgadant grischun che ha bregias da vender sia rauba. Ma las muntanellas han in’idea co gidar.
L’autur Heinz Lüthi, ch’ins enconuscha sco commember dal Cabaret Rotstift e che passenta sias vacanzas en Lumnezia, raquinta l’istorgia da la muntanella Marmottin che passenta cun ses tat en gamba ina legra aventura.