Siglir tar il cuntegn

Header

cuntegn

Cultura La quarta pussanza vegn pli debla

Cun il film «Die Vierte Gewalt» ha il reschissur Dieter Fahrer tutgà la noda dal temp. Il film raquinta da l’incumbensa e da las difficultads dal schurnalissem.

Dieter Fahrer raquinta quai ord vista da schurnalistas e schurnalists. Durant trais onns ha il reschissur visità las redacziuns da la gasetta bernaisa Der Bund, dal Echo der Zeit da radio SRF, dal portal online Watson e dal nov magazin digital Republik.

Tge è la tenuta da lavur da las dunnas e dals umens davos las letras grassas? Tge fa la digitalisaziun cun il schurnalissem? Essan nus tuts «overnewsed»? E tge po la societad far per il schurnalissem? – Il film Die Vierte Gewalt mussa l’impurtanza dal schurnalissem e lascha avert dumondas, bel aposta.

Il reschissur Dieter Fahrer.
Legenda: Il reschissur Dieter Fahrer. RTR, Rafael Müller

RR actualitad 08:00

Artitgels legids il pli savens