Siglir tar il cuntegn

Header

cuntegn

La marella Fatschadas e midadas – Guarda e l’avegnir en muntogna

audio
Fatschadas e midadas – Guarda e l’avegnir en muntogna
ord Marella dals 20.11.2022. Maletg: RTR, Isabelle Jaeger
laschar ir. Durada: 36 minutas 39 Secundas.

Cun ils pleds «Nus avain dimena per la canizza las midadas da la vischnanca da Guarda» ha l'autur Cla Biert envidà il 1959 ils «chars auditurs» ad in'emissiun da radio. Per la Marella è quai in dals puncts da partenza per s'occupar cun il vitg engiadinais ed ir a la tschertga da las midadas actualas ed ils svilups futurs.

Tge occupa Guarda? Tgeninas èn las sfidas e co van ins enturn cun quellas? E co guarda ora Guarda en 100 onns?

audio
Oona Horx Strathern e Guarda en 100 onns
ord Marella dals 19.11.2022. Maletg: Oona Horx Strathern, www.strathern.eu / Foto: Klaus Vyhnalek, www.vyhnalek.com
laschar ir. Durada: 4 minutas 5 Secundas.

Trais vuschs, trais perspectivas

Quellas dumondas faschain nus al pur Jan Viletta (20), a la dunna da l'art e cultura Flurina Badel (39) ed a l'architect Urs Padrun (57) – en il rom da dal focus tematic actual «Il Grischun en 100 onns» da RTR.

Perspectivas da la perscrutaziun da trend

Per ils blers e las bleras da nus tuna perscrutaziun da l’avegnir plitost da cuc en la culla da cristal. Ella n’haja nagina culla da cristal, di la perscrutadra Oona Horx Strathern en l’intervista cun La marella. Sias analisas da trend sa basian sin datas e statisticas:

La dunna cun ragischs irlandaisas sa da tge ch’ella discurra. Ella vala sco capacitad internaziunala sin il sectur da perscrutaziun da trend e fabrica. Cun ses um maina ella l’institut da l’avegnir, ch’è domicilià a Frankfurt am Main ed a Vienna. Sia publicaziun novissima è il report da chasa 2023. La publicaziun voluminusa è in dals mussavias per la branscha – ed en quel segn bain ordvart interessanta, ma n'er betg favuraivla.

Marella, 09:00

Artitgels legids il pli savens