Siglir tar il cuntegn

Header

audio
Discurs cun Jacques Guidon
Or da Ura culturala dals 17.07.2021.
laschar ir. Durada: 06:59 minutas.
cuntegn

Jacques Guidon Il maister da las colurs cun penna gizza

El è in artist multitalentà ed engaschà: Jacques Guidon da Zernez. Ils 22 da fanadur po il pictur e scrivent festivar ses 90avel anniversari. Ses spiert alert e sia egliada critica sin ils svilups da la societad ha el mantegnì era en sia auta vegliadetgna.

Gia da buob siemiava Jacques Guidon da daventar ina giada pictur. Ma il figl da purs ha l’emprim fatg da scolast. Sia relaziun stretga cun il rumantsch al ha gidà sco collavuratur regiunal da la Lia Rumantscha.

Ensemen cun amis ha Jacques Guidon fundà 1971 la gasetta satirica «Il Chardun». L’engaschament critic n’è betg adina stà bainvis, ils opponents han stuì supportar bleras attatgas. Per Jacques Guidon è quell’experientscha tuttina nunpajabla.

La colur preferida dal pictur artist è il cotschen. Questa colur exprima per el la forza expressiva, ardenta e passiunada ch’è tipica per tut sias activitads.

Ord l'archiv

video
Il 75avel anniversari da Jacques Guidon (2006)
Or da Telesguard dals 22.04.2006.
laschar ir

RTR Ura culturala 11:00

Artitgels legids il pli savens

Scrollar a sanestra Scrollar a dretga