Siglir tar il cuntegn

Header

video
Sfidas en il svilup da Laax
Or da Telesguard dals 22.11.2022.
laschar ir. Durada: 11 minutas 36 Secundas.
cuntegn

Il Grischun en 100 onns Laax crescha ad in crescher

La vischnanca en Surselva vegn adina pli gronda. RTR dat in sguard enavos ed en il futur.

Anc fin en ils onns 60 era Laax in vitg da purs cun radund 300 abitants. La vischnanca aveva da quest temp 126 abitaziuns sin il territori da Laax, cunzunt enturn il Crest. Il 1962 ha il turissem cumenzà, las pendicularas han carmalà vitiers blers osps e la construcziun d'abitaziuns secundaras ha cumenzà. Gia l’onn 1975 aveva Laax 1370 abitaziuns e 655 abitants, novs quartiers èn vegnids creads e Laax è era en ils proxims onns explodì sin tuttas varts.

video
Sguard enavos sin in pign vitget puril Laax
Or da Telesguard dals 22.11.2022.
laschar ir. Durada: 2 minutas 26 Secundas.

Oz ha Laax passa 2'000 abitantas e passa 4'000 abitaziuns. 75% da quellas èn secundaras. A Cons, nascha in nov quartier per indigens, là planisescha era la vischnanca da bajegiar ina chasa cun abitaziuns per indigens. Approvà per quest project èn 8,8 milliuns francs. Insumma, ha Laax investì en ils davos onns bler en l'infrastructura:

  • passa 10 milliuns per la scola e scolina
  • passa 17 milliuns per il bogn e hostel
  • passa 4 milliuns per ina chasa da parcar
  • 4 milliuns per infrastructura sper il lai
  • 7,5 milliuns per la senda da tschimas
  • investiziuns da 12 milliuns ils proxims onns per segirar il provediment d'aua
Il futur da Laax.
Legenda: Uschia guarda Laax ora en 100 onns tenor Jon Bischoff. Jon Bischoff

RTR actualitad 17:00

Artitgels legids il pli savens