Siglir tar il cuntegn

Header

video
Furt e naven! – l'emprim cudesch da Carin Caduff
Or da Telesguard dals 12.05.2022.
laschar ir. Durada: 4 minutas 13 Secundas.
cuntegn

Il cudesch da Carin Caduff «Furt e naven!»

Las istorigas raquintan ord la vita da l'autura, ubain er da viadis fictivs e regurdientschas. L'ovra da la dunna lumneziana vegn cumplettada cun fotografias da Jaromir Kreiliger.

Carin Caduff viva oz a Wädenswil nua ch'ella lavura sco pedagoga sociala. Per discurrer da sias ovras avain nus visità cun ella ses culm sur Vattiz, per ella in lieu nua ch'ella è stada fitg savens, anc oz. In lieu ideal per raquintar davart ses plaschair per il scriver. Cumenzà aveva tut cun lirica, dentant saja quest gener stà memia pesant – insaco. Las istorgias curtas sajan pli adattadas per circumscriver quels muments en la vita che cumpiglian era ina pulita purziun umor. E gliez saja fitg impurtant per ella.

«Tgisà», di Carin Caduff «forsa è quest cudesch in cumenzament per mia via sco autura. Segir scriv jau vinavant. Co ed en tge furma na sai jau dentant anc betg.» Il cudesch saja per ella ina furma da dar in dachasa ad ina pluna texts ch'ella ha scrit fin oz.

RTR Telesguard 17:40

Artitgels legids il pli savens