Peter Egloff, sez chatschader, ha gì l'idea da far in'exposiziun davart la chatscha en l'art. Curatà quella ha el ensemen cun il codirectur Stephan Kunz.
La chatscha saja in tema central en Grischun. Perquai saja quai in bun tema per in'exposiziun, manegia Stephan Kunz. In focus spezial sin il Grischun na datti dentant betg.
En la Marella avain nus visità l'exposiziun cun dus chatschaders. Las discussiuns èn stadas surprendentas e profundas, l'art ha sgarà e muventà.
Dals 22 da zercladur fin la fin d'october preschenta il museum ovras da 40 artists ed artistas da tut las epocas. Tranter da quels èn tant nums grischuns sco quels da l'artist Not Vital u da la cineasta Susanna Fanzun, sco er da quels dad iconas da l'art sco Pablo Picasso, Paul Klee, Kaspar David Friedrich u Chardin Jean Siméon.
RR Marella 09:00