Siglir tar il cuntegn

Header

video
Anna 1971 - Il gieu interactiv dal cumbat per il dretg da vuschar
Or da Giuventetgna dals 31.05.2021.
laschar ir. Durada: 45 Secundas.
cuntegn

«Anna 1971» Vivai il cumbat per il dretg da vuschar sco gieu interactiv

Il gieu «Anna 1971» porscha in viadi en il temp, ina ficziun interactiva che As lascha sfunsar en il cumbat per il dretg da vuschar da las dunnas, la primavaira dal 1971.

As imaginai la situaziun dad Anna, 21 onns ch'ha il 1971 gist finì ses emprendissadi, ch'ha sia emprim’abitaziun e ch'è confruntada cun la realitad d'ina giuvna dunna da quel temp. Ed as imaginai ch'igl avess dà gia quella giada in rait sociala cun num «Shoutbox». Cun Voss posts e la conversaziun cun Voss conturn prendais Vus part als eveniments da quest’epoca istorica – ed era en la publicitad prendais Vus posiziun e faschais udir Vossa vusch.

Attenziun, mintg’avis po avair consequenzas en la rait sociala, gist sco ozendi. La figura è fictiva, ils eveniments politics e socials, il documents e las normas che Vus scuntrais dentant betg.

audio
«Anna 1971»: Gieu davart cumbat per dretg da vuschar da dunnas
ord Actualitad dals 01.06.2021.
laschar ir. Durada: 5 minutas 35 Secundas.

Quest gieu è il resultat d’ina concurrenza d’ideas. El è vegnì realisà da DNA Studio per incumbensa da la SRG SSR. Il gieu stat a disposiziun en tut las quatter linguas naziunalas. Co fissi stà dad esser ina dunna l'onn 1971? Bun divertiment!

RTR actualitad 11:00

Artitgels legids il pli savens