Siglir tar il cuntegn

Header

Navigaziun

cuntegn

Amur Illustraziuns da Pia Valär

En il repertori da las chanzuns popularas rumantschas sa zuppan bleras chanzuns d’amur. Chanzuns che fan surrir e cridar. Per incumbensa dad RTR ed en connex cun l’emna tematica «L’AMUR» ha l’illustradura Pia Valär, oriunda da Zuoz, illustrà sis da quellas chanzuns popularas «amurusas» rumantschas.

Sco basa per las illustraziuns han servì sis interpretaziuns da differents musicists, tranter auter dad Alexi e Marcus, Corin Curschellas, da Peder e Benedict, dad Aita Biert e Men Steiner.

Atgnas interpretaziuns

Per mintga chanzunetta ha Pia Valär creà var 60 maletgs. L’illustradura è bain restada fidaivla als texts, però ha ella alura mintgamai tschertgà e fatg si’atgna interpretaziun.

Jau hai per part chantà tras las chanzuns tutta notg en mes siemis.
Autur: Pia Valär

Uschia n’è il «randulin» en la versiun malegiada da Pia Valär betg in utschè, mabain in «randulin» engiadinais turnà si da l’Italia che vul prender davent l’amia ad insatgi auter. Ed il salip va a la tschertga da sia amada furmia cun agid da handy e meds socials. Damai, tgi che guarda e taidla las chanzuns sto en mintga cas surrir.

Pia Valär

Pia Valär

Personen-Box aufklappenPersonen-Box zuklappen

Pia Valär è oriunda da Zuoz ed ha studegià illustraziun al Edinburgh College of Art en Scozia. L'onn 2015 ha ella survegnì il premi da promoziun dal chantun Grischun.