Siglir tar il cuntegn

Header

video
Far punts – Brücken bauen – jeter des ponts – gettare i ponti
Or da 1. August dals 01.08.2022.
laschar ir. Durada: 1 minuta 30 Secundas.
cuntegn

1. d'avust 2022 Far punts – Brücken bauen – jeter des ponts – costruire ponti

En l'emissiun dal di da la festa naziunala da la SRG SSR vai per «far punts». Quest onn è RTR stà responsabel da producir l'emissiun. Perquai envidain Vus ad in viadi tras il Grischun.

En l'emissiun dal di da la festa naziunala scuvran Corina Schmed (RTR), Jean-Marc Richard (RTS), Sandy Altermatt (RSI) e Sven Epiney (SRF) punts fitg differentas. Els visitan umans che fan punts tranter culturas, linguas e religiuns.

Per guardar

Avrir la box Serrar la box

L'emissiun naziunala da la SRG SSR è da vesair glindesdi il 1. d'avust sin rtr.ch ubain a las 20:10 sin SRF 1.

Il viadi cumenza en la part giusum dal Grischun, al cunfin cun l'Italia. Cun l'auto da posta maina il viadi da Castasegna sper ils lais engiadinais fin a San Murezzan. Sin la lingia spectaculara da l'Alvra vai vinavant cun la Viafier retica tar ina da las punts las pli impressiunantas da la Svizra – il viaduct da la Landwasser. Durant lur viadi raquintan els a nus las istorgias ch'els han passentà las davosas emnas en l'entira Svizra ed a l'exteriur.

Davos las culissas da la filmada

Per la moderatura Corina Schmed èsi la quarta giada ch'ella fa part. Questa giada eri dentant betg segir sch'ella po ir cun, perquai ch'ella ha gì ina blessura al pe. Cunzunt il highline era ina gronda sfida, ma il pe ha tegnì e la suga era, ed ella è turnada sauna e legra enavos.

video
Emissiun dal 1. d'avust: Invista davos las culissas
Or da RTR Social dals 29.07.2022.
laschar ir. Durada: 1 minuta 51 Secundas.

Nov song quadriling

«Nus essan in» – uschia sa numna la nova chanzun ch'è vegnida producida ensemen cun musicistas e musicists da tut las quatter regiuns linguisticas (ANIK, Ivo Orlik aka Giganto, Ariel Hasler aka SmackWTG, Nicolas Bisig aka Chandro, Océane Meyer aka Franklin, Domenico Genna aka NX, Groovefactory Berna, Sandro Dietrich e Lou Zarra) aposta per l'emissiun dal prim d'avust .

La scola da saut Tanzerina ha creà ina coreografia latiers. Las sautunzas ed ils sautunzs èn er da vesair en la scena finala ch'ha lieu sut il viaduct da la Landwasser:

video
Emissiun dal prim d'avust: Il saut
Or da Actualitad video dals 01.08.2022.
laschar ir. Durada: 3 minutas 51 Secundas.

Emissiun naziunala dal 1. d'avust

Artitgels legids il pli savens

Scrollar a sanestra Scrollar a dretga